Infermieri i fshatit Plezhë në Njësinë Administrative Bushat të Malësisë së Madhe nuk shkon në punë edhe pse paguhet rregullisht. Madje në orarin e punës në shtet ai punon për një depo farmaceutike. Ky infermier duhet të shërbejë çdo ditë në fshatin Plezhë, pasi puna e tij është në terren, por vetë komuniteti të cilit duhet t'i japi përkujdesje shëndetësore nuk e njeh. Fiksi e ndoqi disa ditë me radhë ku pa se infermieri nuk paraqitej në vendin e punës në fshatin Plezhë, por bënte punë private atë të shitjes së ilaçeve për një depo farmaceutike. Na ballafaqim me Fiksin ai e mohon thotë se punën private e bënte me anë të telefonatave, por jo të mungonte nga puna si infermier. edhe pse një ditë më parë ai u takua në orarin zyrtar të punës me gazetar të Fiksit që u hoqën si të interesuar për hapjen e një farmacie. Infermier Canja u tregoi çmimet e ofertat që kishte depoja që ai punonte. Ditën e nesërme që u përball me Fiksin tha se kishte marrë lejë tek drejtori i tij. Drejtori i Qendrës Shëndetësore Bushat, njëkohësisht edhe mjek në tre fshatra shmangu takimin me gazetarët duke i gënjyer e duke ju shmangur pyetjes se favorizonte infermierin që ndërkohë që duhet të ishte në krye të detyrës në shërbim të komunitetit, punonte privatisht në një depo farmaceutike.