Albert Musollari është një ndër 120 anëtarët e Lëvizjes Socialiste për Integrim në zonën e Kombinatit, i cili ka vendosur të largohet nga kjo parti për të shkuar drejt Partisë Socialiste. “Kam qenë anëtar nga viti 2013 me LSI. Kur lëvizja Socialiste për Integrim mori vendim te njëanshëm jo te bazës për tu bashkuar me PD atëhere vendosem te largoheshim nga LSI. Jemi 12 kryetare organizatash dhe afërsisht 120 anëtarë”, thotë ish-anëtari i LSI-së, Muhamed Limani. Bashkimi jo natyral mes Lëvizjes Socialiste për Integrim dhe Partisë Demokratike dhe vendimi për të dalë bashkë ne zgjedhje është shkaku kryesor i zhgënjimit të anëtarëve të LSI-së. Dorina Dervishi ish anëtare e LSI- thotë: ”Kam ndenjur 10 vite në LSI por u zhgënjeva sepse e pashë se aty me tepër ishte parti familjare. Unë jam e majtë por ne momentin kur LSI u bashkua me PD une nuk mundem dot me PD asnjehere s’kam qene me PD. Ky ishte zhgenjimi me i madh kur pd u bashkua me LSI”. Albert Musollari ish anëtar i LSI shton: “Ne ikem nga LSI sepse na tradhtoi. Na tradhtoi sepse si parti e majte qe na genjeu ne fillim ajo shkoj djathtas. Nuk mund te vehte une me Fatmir Mediun Gerdecit apo Lulin e 21 janarit. I bej thirrje dhe te gjithe simpatizanteve te lsi qe jane socialist te afrohen prane Partise Socialiste dhe te votojne kandidatet e saj”. Pak ditë me parë kryeministri Edi Rama ka folur për një projekt për ta çuar për skrap LSI. Pjesë të këtij skenarit ai beri edhe kryedemorkatit Basha, i cili sipas tij e tradhëtoi këtë plan.