Një histori tronditëse nga Durrësi, ku një vendim gjykate i formës së prerë nuk zbatohet prej gati dy vitesh. Një baba biologjik dhe gjyshërit nuk arrijnë të takojnë fëmijën 7-vjeçar, pavarësisht se ligji ua njeh këtë të drejtë. Nëna e fëmijës ngre akuza të rënda për abuzim seksual, duke këmbëngulur se i mituri nuk dëshiron kontakt me familjen e të atit. Nga ana tjetër, babai dhe gjyshërit mohojnë kategorikisht çdo pretendim për dhunë dhe kërkojnë vetëm zbatimin e vendimit të gjykatës. Institucionet pranojnë se vendimi ekziston, por nuk zbatohet. Përmbarimi, shërbimi social dhe strukturat e tjera ia kalojnë përgjegjësinë njëra-tjetrës, ndërsa një fëmijë rritet pa kontakt me të atin dhe gjyshërit.