Emisioni Fiks Fare solli rastin e një qytetareje nga Lezha e cila ka tre muaj që sorollatet dhe nuk mundej të firmoste diplomën e pjekurisë së vajzës së saj, pasi numri i amzës është fshirë me korrektor. Drane Gjikolaj u ankua në Fiks, pasi nuk po mundte të firmoste diplomën e vajzës së saj Angjelina Ndue Gjikolaj pasi numri i amzës i është fshirë me korrektor. Angjelina ka përfunduar gjimnazin "Hydasjet Lezha" në 2003 në Lezhë dhe nga drejtoria e shkollës i është thënë se diploma nuk mund të firmoset, pasi ka ndërhyrje në regjistër. Fiksi iu drejtua me një email zyrtar edhe ZVAP Lezhë e cila ngriti një grup pune dhe brenda pak kohësh denoncuesja arriti të merrte diplomën e vajzës të firmosur me numër amze. Në fund ajo falenderoi Fiksin që i dha fund sorollatjeve të saja dhe i zgjidhi problemin.