Askush nuk do e imagjinonte, që një skenë e ngjashme me vrasjen e George Floyd pesë vite më parë, do të ndodhte në realitetin shqiptar. Më saktë, në Lipjan. Agon Zejnullahu, 27-vjecar, humbi jetën tragjikisht pas praktikës shumë të dyshimtë të ndjekur nga ana e 5 policëve që e ndaluan. I riu ishte nën efektin e alkoolit dhe po sulmonte kalimtarët dhe automjetet që kalonin rrugën. Policia u lajmërua dhe ndërhyri për të neutralizuar Zejnullahun. Nga pamjet e shpërndara në rrjetet sociale shihet qartë se uniformat blu kanë vepruar me shumë intensitet ndaj të ndaluarit.