Grida Duma në këtë episod të rradhës të "Grida Duma Podcast" sjell një bisedë të pazakontë me Linda Rein, ku ajo rrëfen për rrugën e saj të vështirë që nga fëmijëria, varfëria, marrëdhëniet me familjen dhe momentin kur ata mësuan për ndryshimin e saj. Linda flet pa filtra edhe për Big Brother Kosova, presionet, paragjykimet dhe mënyrën si e ka mbledhur veten pas çdo goditjeje. Një rrëfim i drejtpërdrejtë, emocional dhe i sinqertë, që tregon se sa e gjatë është rruga për t’u pranuar ashtu si je. Grida Duma sjell në skenë një projekt të ri mediatik, një podcast që shkon përtej lajmeve të ditës dhe debatit klasik politik. Ky podcast është një hapësirë për biseda të thella, personale dhe të sinqerta, ku personazhe të njohur ndajnë me publikun historitë që nuk i kanë treguar kurrë më parë. Qëllimi i këtij podcasti është të sjellë përpara publikut anën njerëzore të figurave të njohura, përmes rrëfimeve autentike mbi jetën e tyre, eksperiencat profesionale, sfidat, dështimet dhe momentet që i kanë formuar si individë.