Pacientet qe paraqesin semundje te zemres dhe te qarkullimit te gjakut, nuk jane me te predispozuar se popullata tjeter per tu prekur nga koronavirusi, por kushdo qe ka nje semundje te zemres konsiderohet se ka rrezik me te larte te komplikacioneve te vete semundjes ne rast se infektohen. Sipas nje Raporti te Organizates Boterore te Shendetesise, pacientet me hipertension dhe sëmundje kardiovaskulare duket se kane nje shkallë të vdekshmërisë 2-3 herë më të lartë, se pjesa tjeter e popullsise ne perballjen me Koronavirusin. Raportet e fundit për miokarditin e rëndë dhe aritmitë fatale te pacienteve te prekur jane deshmi per ndikimin e mundshëm e kritik të Koronavirusit në sistemin kardiovaskular. Përveç kësaj, ka prova që Koronaviruset mund të udhëtojnë në mënyrë retrograde nga mushkëritë në qendrën kardiorespiratore dhe ne sistemin trunor përmes sinapseve neuronale, duke kontribuar keshtu në shfaqjen e insuficiencës respiratore ose ne veshtiresi ne frymemarrje. Po cilet jane ata paciente me semundje te zemres qe jane me te rrezikuar se te tjeret: 1. Pacientet me sëmundje të zemrës dhe sëmundje të mushkërive ose sëmundje kronike të veshkave 2. Pacientet me anginë pektorale që i kufizon jetesen normale dhe i ben te varur nga nitroglicerina 3. Pacientet me semundje te zemres mbi moshen 70 vjecare 4. Pacientet me semundje te rende te valvulave te zemres ose ata paciente qe jane ne pritje te nje nderhyrje ne valvula 5. Pacientet qe kane kryer nje by pass muajt e fundit 6. Pacientet me semundje kongenitale te zemres dhe kardiomiopatet Nëse bëni pjesë në një nga këto grupe, këshilla është e njëjtë si për të gjithë njerëzit: duhet te jeni te kujdesshshem per te mbrojtur veten, qendroni ne shtepi, nese duhet te siguroni nevojat tuaja thelbesore kujdes me distancimin social.