Largimi i shqiptarëve në mënyrë ilegale drejt Mbretërisë së Bashkuar vazhdon të mbetet një plagë e madhe për vendin tonë, por edhe për autoritetet britanike të cilat po luftojnë çdo ditë krimin që vjen edhe nga bandat shqiptare. Bandat shqiptare kanë zënë shpesh hapësirë në faqet kryesore të Daily Mail dhe mediave të tjera britanike për problemet që kanë krijuar aty dhe për transportin ilegal të burrave dhe adoleshentëve shqiptarë me anë të kamionëve dhe gomoneve. Por nëse ky numër duket se kohët e fundit ka një rënie, Daily Mail tashmë ka bërë publike një tjetër "ofertë" të bandave shqiptare. Nga transporti ilegal i adoleshentëve kryesisht, tashmë prioritet ka marrë transportimi i grave dhe fëmijëve të shqiptarëve që kanë kaluar më parë ilegalisht në Britani për 18 mijë paund. Gazetar: Orest Floku