Grida Duma për herë të parë del nga formatet e zakonshme të intervistave dhe personazhet dhe sjell një episod të veçantë të podcastit me Hatin, një nga personazhet më viralë në rrjetet sociale. Episodi eksploron mënyrën se si të rinjtë shqiptarë përdorin rrjetet, çfarë i tërheq, interesin e tyre për arsimimin, dhe si i afrohen një vajze që mban shami muslimane. Një bisedë e sinqertë, plot humor dhe me shumë të papritura. Grida Duma sjell në skenë një projekt të ri mediatik, një podcast që shkon përtej lajmeve të ditës dhe debatit klasik politik. Ky podcast është një hapësirë për biseda të thella, personale dhe të sinqerta, ku personazhe të njohur ndajnë me publikun historitë që nuk i kanë treguar kurrë më parë. Qëllimi i këtij podcasti është të sjellë përpara publikut anën njerëzore të figurave të njohura, përmes rrëfimeve autentike mbi jetën e tyre, eksperiencat profesionale, sfidat, dështimet dhe momentet që i kanë formuar si individë.