Ndryshimet klimatike, një këmbanë alarmi që ka disa vite që po bie. Provat shkencore po tregojnë se ngrohja globale me 1,1 gradë celcius po ndikon gjithnjë e më shumë në natyrë dhe në jetën e njeriut. Nëntori i këtij viti nisi duke u goditur nga stuhia Ciaran e cila shkatoi 14 viktima. Erë e fortë dhe shi me intesitet të lartë preku Europën dhe Shqipërinë duke shkatuar dëme të shumta. Vendi ynë është më së shumti i rrezikuar nga fenomene të tilla. Mjaftuan vetëm pak orë shi dhe Tirana u përmbyt. Lana doli nga shtrati dhe uji vërshoi në çdo anë. E njëjat situatë kaotike u përjetua edhe në qytetet e tjera të vendit. Në rang botëror Shqipëria renditet ndër vendet me pasoja të larta ekonomike nga fatkeqësitë. Rreth 86% e territorit ku gjenerohet afërsisht 88,5% e Prodhimit të Brendshëm Bruto, është e ekspozuar ndaj dy ose më shumë rreziqeve.