Nga inteligjenca e Kosovës në atë të Shqipërisë, Vlora Hyseni ish zëvendës drejtore e agjencisë së sigurisë së Kosovës, e cila më pas mbante postin e këshilltares për sigurinë te kryeministri Edi Rama, tashmë është në krye të SHISH. Ajo ka mbajtur një profil të ulët gjatë kohës kur këshillonte Ramën për çështjet e sigurisë kombëtare. Më 1 korrik të vitit 2021 me propozim të kryeministrit Albin Kurti u shkarkua nga posti i zëvendës drejtores në “Agjencisë së Kosovës për Inteligjencë”, ku Vlora Hyseni qëndroi për katër muaj. Por nuk pati një arsye për heqjen e saj nga ky post, të paktën zyrtarisht. Në atë kohë ish-ambasadorja e Kosovës në Shtetet e Bashkuara të Amerikës Vlora Çitaku, e komentoi largimin e Hysenit nga Agjencia për Inteligjencë si skandal, paranojë dhe papërgjegjshmëri të Albin Kurtit. Në shtator të 2021, Vlora Hyseni la Kosovën dhe nisi punë si këshilltare e kryeministrit të Shqipërisë, Edi Rama. Për dekretin e firmosur nga presidenti Bajram Begaj që do ta çonte në krye të Shërbimit Informativ Shtetëror, Vlora Hyseni priti rreth tre jave. Ajo bëhet gruaja e parë në drejtimin e shërbimit inteligjent shqiptar, të dominuar deri më tani nga burrat. Ajo vihet në krye të SHISH në një kohë kur nga sulmet kibernetike ndaj Shqipërisë, nuk mbeti pa u prekur ky institucion, me ekspozimin e emrave të qindra punonjësve të shërbimit sekret. (Ardi Pulaj) Programi "Top Talk" në Top Channel është i mbështetur në konceptin e intervistave për temën më të rëndësishme të ditës. Intervistat janë projektuar me minutazh të shkurtër dhe me pyetje të drejtpërdrejta, për të ballafaquar të intervistuarit me fakte, prova, dëshmi apo qëndrime mbi ngjarje dhe rrethana të ndryshme. Gazetare: Juli Xhokaxhi