Nga cikli i ekspozitës “po vjen një grua’. Gazmend Leka na sjell një vizatim që përfaqëson një momentum të kësaj vajze që zhvishet. sepia/ laps në letër, 100x70 cm, viti 2022, cmimi 2000 euro. Gazmend Leka lindi në vitin 1953 në Tiranë. Ai është piktor, drejtor artistik dhe studiues. Studimet e mesme i kreu në shkollën artistike “Jordan Misja” në Tiranë. Ka përfunduar studimet për pikturë dhe grafikë në ILA (Akademia e Arteve e sotme). Ai ishte përgjegjës për projektimin e brendshëm të muzeut “Gjergj Kastrioti-Skënderbeu” në Krujë. Nga viti 1982, për dhjetë vjet punoi në kinostudio “Shqipëria e Re” si piktor dhe drejtor artistik. Ai punoi në dy filma dhe fitoi një çmim ndërkombëtar "Dea Fortunata" në Napoli. Prej vitit 1992 është profesor në Akademinë e Arteve, Tiranë. Si piktor ka realizuar rreth 140 ekspozita të mëdha pikture brenda dhe jashtë Shqipërisë. Veprat e tij të artit janë zakonisht në tone të tokës, si kafe ose gri.