Fiksi rikthet pas 6 muajsh sërish në fshatin Papër Sollak të Elbasanit, ku banorët vazhdojnë ende të jenë pa rrugë e urë. Banorët që merren kryesisht me bujqësi prej vitesh vuajnë mungesën e urëve dhe të rrugës. Nga 2 urat mbi lumi Gosë, nuk ka mbetur më asgjë . Në dimër 350 banorët e këtij fshati izolohen, pasi lumi i Gosës del nga shtrati. Por këtyre banorëve iu ishte premtuar se brenda 6 mujorit të parë të këtij viti do t'u ndërtoheshin tre ura, gjë e cila nuk ka ndodhur. Fiksi u interesua në Bashkinë Elbasan ku morën informacion se projekti i urave ka përfunduar, fondi gjithashtu është miratuar.Ajo që pritet është miratimi nga Këshillit Bashkiak dhe më pas të kalojë për ekzekutim në drejtorinjë e shërbimeve në po këtë bashki. Mbledhja parashikohet të zhvillohet në fillim të qershorit dhe menjëherë pas pas fillojnë edhe punimet.