Skënder Kamberi- Fshati Kuç, vaj në kanavacë, 60x70cm, çmimi fillestar 3000 euro. Kontaktoni në 00355686047773 Piktori Skënder Kamberi i përket brezit të parë të piktorëve që mbaruan studimet në Akademinë shqiptare të Arteve. Në tablotë e tij të periudhës së parë (realizmi socialist) piktori Skënder KAMBERI realizoi tablotë kompozicionale me temë historike nga jeta, ngjarjet dhe heronjtë e kohës. Të kësaj periudhe janë tablotë: “Nëndetëset kthehen në bazë” (1968); “Natë me hënë në Kallarat” (1970); “Kapedan Sali Vranishti” (1972); “Portret gruaje” (1974); “Dimër në Llogara” (1974); “Buka e duarve tona” (1976); “Vjeshtë në bregdet” (1976); “Betimi i Vrana Kontit” (1988) etj. Krijimtaria e tij në këtë periudhë ndikohet nga “impresionizmi dhe ekspresionizmi” europian, por sigurisht në kushtet e një shteti totalitar e të centralizuar. Këto ndikime te Kamberi ishin të “mbuluara” nga tematika që ai trajtonte. Megjithatë, nga kjo periudhë ai ka sjellë një krijimtari të pasur me ngjyrë e që kishte ndikim në zhvillimet e artit të kohës, pasi duke qenë kërkues në vazhdimësi dhe konseguent në krijimtari, KAMBERI arriti të krijonte stilin e tij piktorik, të cilin e konsolidoi dhe e ruajti edhe në krijimtarinë e mëvonshme. Krijimtaria e KAMBERIT pas viteve 90 e në vazhdim ka si tipar vazhdimësinë e tij si një piktor figurativ realist me prirje impresioniste.