Vëzhgimi i Fiks Fare mbi parkimet e dedikuara për invalidët në Tiranë, tregoi se në to parkojnë edhe persona të tjerë. Në disa rrugë kryesore Fiksi pa se në asnjë rast nuk ishte respektuar ky rregull i qarkullimit rrugor, dhe në shumicën e rasteve për personat shkelës nuk ishte marrë as masë me gjobë. Në intervistë për Fiksit shefi i Qarkullimit Rrugor të Bashkisë Tiranë, pohoi se se në bashkëpunim me policinë rrugore janë vënë një numër i madh gjobash për shkelësit. Gjithashtu ai tregoi dokumentat e sakta që duhet të ketë një invalid mbi makinën e tij për t'u mos penalizuar kur parkon në parkimin e dedikuar atyre. Bashkia Tiranë ka nxjerr një udhëzim me të cilin duhet të pajisen personat invalidë, në të kundërt mund të gjobiten edhe pse mund të kenë kartën e invaliditetit. Kjo e fundit nuk është e mjaftueshme për mos u gjobitur.