Bashkëpunëtorët e Fiksit takojnë veterinerin e shërbimit Halit Roçi, i cili pranon se e ka bërë këtë gjë për Julianën, pra ka marrë dele nga tufa tjetër për t'i rimatrikuluar . Madje i kërkon bashkëpunëtorit të Fiksit pagesë, në këmbim për t'i dhënë matrikuj që të rrisë artificialisht tufën për të përfituar edhe bashkëpunëtori i Fiksit më shumë para nga subvecioni që jep shteti. Ai kërkon për 100 matrikuj 70 mijë lekë të vjetra, ndërkohë blektori do marrë 1milion e 200 mijë lekë subvecion. Por mashtrimi shtrihet edhe më tej kur i kërkon bashkëpunëtorit të Fiksit të takojë punonjësin e AZHBR për Lushnjën dhe t'i japë edhe atij 400-600 mijë lekë për t'i bërë subvecionin. Pra blegtori paguan gati gjysmën e parave që do marri, për 100 krerë fiktive do japë gati 600 mijë lekë, ndërkohë për vete fiton 600 të tjera. Gjithashtu veterineri thotë se këto skema mashtrimi me subvecionet i kanë bërë në bashkëpunim edhe me veterinerë të tjerë duke plotësuar dokumente fiktive sikur kanë bërë edhe vaksinat e brucelozës duke ja ofruar edhe bashkëpunëtorit të Fiksit.