Fiksi u interesua edhe pranë Administratës Rajonale të Zonave të Mbrojtura, Qarku Korçë ku drejtori Z. Mihallaq Qirio u shpreh se është bërë një investigim në Ujëvarën e Valës me një grup ekspertësh të cilët të gjithë kishin dalë në mendimin se zona duhet të shpallet Zonë e Mbrojtur. 'Propozimin ja drejtuam Drejtorit të Përgjithshëm të Agjencisë Zonave të Mbrojtura për shkak të vlerave të spikatura natyrore që kulmonin me Ujëvarën e Sinicës. Në Agjencinë e Zonave të Mbrojtura, dhe në Ministri po shqyrtohet propozimi ynë, i cili sipas Ligjit për Zonat e Mbrojtura do të kalojë një praktikë shumë strikte për të arritur që të shpallet Zonë e Mbrojtur nga qeveria. Zonat e reja të Zonave të Mbrojtura shpallen nga qeveria dhe deri tani është në proces" përfundoi z. Qirio. Së fundmi më dt 28. 12. 2020 Agjencia e Zhvillimit të Territorit ka zhvilluar mbledhjen e radhës por ende vendimet nuk janë zbardhur.