Dhurata Haskurti, banuese në fshatin Bixëlle në qytetin e Elbasanit ka kërkuar ndihmën e emisionit Fiks Fare pasi që prej tërmetit të Nëntorit të vitit 2019 po has probleme me kalimin e dëmshpërblimit financiar prej 1.5 milionë lekësh të rinjë të miratuar nga Agjencia Kombëtare e Mbrojtjes Civile. Dhurata thotë se dokumentat i janë miratuar si nga Këshilli Bashkiak Elbasan, po ashtu edhe nga vetë institucioni i Emergjencave Civile si dhe është marrë si vendim në datën 03/09/2020. Por nga ajo kohë dhe deri më tani denoncuesja nuk merr asnjë përgjigje, por i thonë se shumë shpejt do të bëhet një kalim. Pas interesimit të gazetarëve të Fiks Fare pranë Emergjencave Civile në qytetin e Elbasanit, vetë drejtori i këtij institucioni zoti Ndriçim Sinani na tha se e gjithë preçedura ka mbetur tek Agjencia Kombëtare e Emergjencave Civile. Si përgjigje, ky institucion redaksisë së Fiks Fare iu drejtua duke i thënë se fondi i dëmshpërblimit financiar për familjen Haskurti do të kalojë në bashkinë Elbasan ne mbërritjen e fondeve më të afërta.