Kompania:Emrat i shtuam në listë për të kundërshtuar peticionin e banorëve Banorët e fshatit Hormovë i janë drejtuar me një peticion Ministrisë së Infrastrukturës dhe Energjisë, duke i kërkuar ministres Belinda Balluku anulimin e lejes së dhënë. Në datën 25 tetor, ministria i ka kthyer përgjigje banorëve dhe i informon se ka pasur një letërkëmbim me firmën "Hidro Termo", ku kjo e fundit i ka dërguar edhe një dokument të datës 17 shtator 2019. Në këtë dokument, ndër të tjera, firma i thotë ministrisë së "jemi konform të gjitha rregullave dhe ligjeve, në firmat që ne kemi është edhe firma e kryetarit të fshatit, ajo e kryetarit të Njësisë Administrative dhe e kryetarit të Bashkisë Tepelenë". Por kreu i Bashkisë Tepelenë, Tërmet Peçi, mohon kategorikisht të ketë firmosur, madje ai për këtë akuzë do të ndërmarrë edhe veprimet e mëtejshme.