Ambra Bakalli u ankua në Fiks Fare se pas tre vitesh studime në Fakultetin e Gjuhëve të Huaja mori vesh se nuk ka numër matrikulli. Si pasojë ajo rrezikon studimet që ka ndjekur deri më tani në gjuhën frënge. Sipas udhëzimit në vitin 2018 ajo është regjistruar me dokumentacionin e plotë pranë këtij fakulteti pasi kishin vende vakante. Kriter për regjistrimin pa folmularin A1 ishte mesatarja që duhet të ishte mbi 7. Ambra u regjistrua në fakultet se mesatarja e saj e shkollës së mesme ishte 7.04. Pagoi dy vite kuotën e shkollës, vitin e parë të plotë dhe të dytin të përgjysmuar falë mesatares së lartë që kishte. Kur aplikon për kartën e studentit thirret në zyrë nga zv. dekania dhe merr vesh që nuk e përfiton, pasi nuk ka numër matrikulli nga Qendra e Shërbimeve Arsimore. QSHA njofton fakultetin se regjistrimi i studentes Ambra Bakalli është në kundërshtim me kriteret e vendosura në vitin 2018. Edhe pse aktualisht studentja ndjekë provimet dhe leksionet online, rrezikon shkollën për mungesë të këtij numri matrikulli.