Tonin Lleshi nga Fushë Arrëzi student në vitin e dytë në Universitetin Aleksandër Xhuvani në Elbasan ankohet në Fiks Fare për bursën e tij. Ai është invalid dhe ka aplikuar për bursë në universitet vetëm pasi ka marrë vendimin e KEMP-it, pa të cilin nuk mund të aplikonte. Fiksi u interesua në Universitetin Aleksandër Xhuvani, ku iu shpjegua se me studentin në fjalë është proceduar në bazë të VKM-së. Në VKM shpjegohet qartë se bursa financiare paguhet nga data e aplikimit në rastet në fillim të vitit, ose nga muaji pasardhës pasi studenti ka paraqitur kërkesën. Në rastin e Toninit ai ka aplikuar në dt 18 janar dhe bursa sipas VKM-së i fillon në muajin pasardhës. Përsa i përket vonesave të aplikimit për shkak të përgjigjes së KEMP-it, universiteti nuk mban përgjegjësi për vonesat e institucioneve të tjera.