Fiksi pyeti për këtë problem pranë Operatorit të Shërbimit të Kujdesit Shëndetësor Fier. Arbër Arapi drejtori i institucionit tha se problemi ekziston dhe janë në dijeni por që po punojnë për ta zgjidhur si situatë dhe për t'i dhënë shërbim pacientëve sa më shpejt. Kurse nëndrejtori i Spitalit Rajonal Fier doktor Ramadan Çepelja thotë se sistemet e mjekut të familjes dhe mjekut specialist nuk janë koordinuar , ndaj duhet patjetër që pacientët të kalojnë nga recepsioni për të lënë vizitën me specialistin. Kjo ndodh pasi sitemi i brendshëm i poliklinikës nuk është vendosur në funksion. Zgjidhje problemi do të marr vetëm me vendosjen e sistemit online ku palët e përfshira të kenë akses të plotë. "Vetëm kështu zgjidhet përfundimisht ky problem" përfundon nëndrejtori i Spitalit Rajonal Fier. E deri sa kjo të behët realitet pacientët do duhet të presin në radhë me ditë e orë të tëra.