Nikoll Palaj ankohe se firma që ka bërë punimet në pallatin e tij ka bërë thjeshtë disa rregullime në fasad dhe asgjë më shumë. Megjithëse duhet të bënte edhe punime në ambiente të përbashkëta, pjesën e shkallës apo edhe në soletë, ajo ka bërë vetëm fasadën. Por pas këtyre punimeve të fasadës, apartamenti ku ai banon fut ujë. Ndërkohë që në pallatet e tjera që kanë patur të njëjtën dëmtim si pallati i z. Nikoll, janë restauruar edhe brenda në pjesën e përbashkëtFiksi vëzhgoi edhe pallatet e tjera në Milot që janë cilësuar me dëme DS1 e DS2 njësojë si pallati i Nikollës. Aty punimet janë bërë jo vetëm në fasadë, edhe në tarracë, madje edhe në ambientet e përbashkëta. Kjo sipas qytetarit Nikoll Palaj ka ndodhur se në pallatet ku qëndrojnë zyrtarë dhe ish zyrtare lokalë punimet janë bërë më cilësore. Por edhe në këto pallate banorët janë të pakënaqur me punimet, pasi janë bërë pa cilësi nga firmat " i bënë shpejt shpejt e ikën" , pohon një banorë që jeton në katin e parë të një pallati dhe se komplet murin e dritares e kishte me lagështi.