Një nënë që jeton, në një lagje të Fierit, me djalin e saj invalid në mjerim të plotë ankohet në emisioni Fiks Fare. Shtëpia ku jetojnë nuk ka energji elektrike dhe asnjë paisje elektroshtëpiake.Për të mbajtur frymën gjallë mbledhin kanaçe nënë e bir. Nëna rrëfen se prej shumë vitesh nuk kanë mundur të bëjnë festën e "Vitit të Ri" . Nuk kanë asgjë për të ngrënë dhe shtëpia e tyre është bosh. Në dorezën e derës të shtëpisë varen qese të vogla me perime të kalbura. Nëna e mjeruar thotë se nuk ka ku të gatuaj. Për të ngrënë blejnë bukë thatë!Bukët që mbeten nëpër fura dhe shiten me 30 lek. Të qullur vijnë nga shiu pasi mbledhin kanaçe. Në këto ditë të acarta kjo grua me lot në sy rrëfen se nuk kanë me se të ngrohen por mbulohen me batanije të grisura. Shtëpia është bosh e ftohtë dhe e rrënuar. Njërën dhomë e mbushin kanaçet dhe thasët me bidona si e vetmja shpresë e tyre. Ndërsa në dhomën tjetër jeton kjo nënë me djalin e saj 23 vjeçar të mbështjellë në mjerimin e tyre, duke pritur natën e ndërrimit të viteve