Gjatë gjithë sorollatjeve lart e poshtë sa në spital e sa në poliklinikë , pensionistja sëmuret duke përfunduar në poliklinikë. Grupi i Fiksit u detyrua ta shoqëronte në urgjencën e spitalit të Fierit ku ju u bashkua edhe nëndrejtori i spitalit, doktor Ramadan Çepele. Pasi gjendja e pensionistes u stabiliziua, Fiksi kërkoi një info pranë drejtorise së spitalit Rajonal Fier. Përsa i përket rastit nëndrejtori Ramadan Çepele shpjegon se janëe disa preparate si preparati i zonjës të cilin nuk mund ta japi për rimbursim specialisti kardiolog i poloklinikës, por vetëm pranë dy qendrave si QSUT dhe Spitali Memorial. Por falë prezencës së Fiksit dhe rastit të bërë publik rasti u zgjidh. Pensionistja Fatbardha Zyka kishte terapi deri në fund të muajit prill dhe për majin ende nuk kishte mundur të rezervonte një vizitë tek mjeku për të marrë recetën e më pas ilaçet. Por Çepele siguroi Fiksin se në daten 2 maj do paraqitet për vizitë tek mjeku specialist dhe kjo u konfirmua. Më në fund edhe për muajin maj 61- vjeçarja e mori recetën për rimbursimin e ilaçeve me shpresën se nuk do të ndodh më në muajt vijues.