Në këto kushte Fiks FAre i drejtohet me një kërkesë Kempit Epror se ku qëndron problemi i dosjes së Edmondit. Në përgjigjen e tyre ata sqarojnë se pacienti Gosa nuk përmbante dokumentacionin e lënë detyrë më parë nga komisioni. Atij i është kërkuar një rezonancë nga komisioni, të cilën ia ka ndaluar mjeku specialist pasi i shkakton dhimbje. Më pas në përgjigjen e tyre ata pohojnë se Z. Gosa është planifikuar për t’u komisionuar në KMCAP Epror në seancën e muajit Dhjetor 2021 dhe do të njoftohet zyrtarisht nga njësia administrative. Pas interesimit të Fiksit gazetarëve iu vjen një telefonatë nga e ëma e Edmondit e cila falenderon emisionin. " Falë jush na telefonuan për t'u paraqitur në KMCAP Epror dhe me shumë mundime e çova djalin, tani presim pagesën" shprehet ajo. Më në fund Edmondi do të marrë atë që i takon me ligj.