Në intervistë nëna me probleme të shëndetit mendor pranon që ushtron dhunë mbi fëmijët por e bën nga sëmundja "unë nuk jam për vete e jo më për fëmijët". Gazetarëve ajo i kërkon ndihmë për veten e saj që të mund të shtrohet në një qendër të specializuar dhe të kurohet. Gjendja e saj e rënduar shihet qartë dhe kuptohet kur shprehet se nuk do që fëmijët e saj të hanë kempin që ajo merr prej 100 mijë lekësh të vjetra. Ata ndihmoheshin nga një zonjë e cila jetonte aty pranë, që i jepte për të ngrënë dhe mundohej të kujdesej për ta. Ajo nuk pranoi të bëhej publike, por gjatë gjithë kohës lutej për ndihmë për këta fëmijë që ishin në mëshirë të fatit. Vajza e madhe, 15 vjeçe, tregon se babai nuk punon, ai mundohet të kujdeset për ta, por për shkak të papunësisë dhe të gjendjes në të cilën jetonin ai i është dorëzuar alkoolit.