Tregtimi i lëndëve piroteknike dhe fishekzjarreve në vendin tonë u ndalua me Urdhërin 661 të firmosur me datë 13 dhjetor 2018 nga 3 ministri, Ministria e Brendshme, Ministria e Mbrojtjes dhe Ministria e Financave. Ky urdhër ndaloi hedhjen në tregun e brendshëm të artikujve piroteknike dhe fishekzjarreve për përdorim civil nga publiku i gjërë. Pas 3 vitesh me datë 3 qershor të vitit 2021 ligji numër 73, neni 15 me propozim të Këshillit të Ministrave rregulloi kushtet dhe kriteret për shitjet, gjithashtu dhe përdorimit të këtyre artikujve piroteknike . Përdorimi i tyre në kategoritë përkatëse janë nga 15 dhjetori deri në 1 janar. Vetëm 17 ditë para natës së ndërrimit të viteve bashkëpuntorët e Fiks Fare kërkuan të blinin fishekzjarre dhe kapsollë në disa pika të ndryshme në qytetin e Tiranës, ku në secilën prej tyre duhet t'i porosisnin më parë dhe në njëren prej këtyre pikave arritën të blinim 2 pako kapsollë të kategorisë F1 ( përdorim brenda vendbanimit) dhe 5 kapsollë të tjera të kategorisë F2 ( përdoren në ambiente të jashtme të izoluara). Gjithashtu tregtimi i fishekzjarreve në vendin tonë është bërë dhe pjesë e tregut online. Në rrjetet sociale tik tok dhe instagram mjafton të bësh një kërkim me fjalën kyçe fishekzjarre dhe menjëherë do të rradhiten disa faqe pa treguar asnjë informacion mbi vendodhjen, por me një mesazh ose me numrin e kontaktit të lënë në faqen online mund të porosisësh disa prej modeleve të këtyre mjeteve piroteknike të ekspozuara në galeri dhe porosia vjen me postë në adresën e dhënë.