Menjëherë pasi gazetarët e Fiks Fare u njohëm me shqetësimin e qytetarit Luan Musaku, telefonuan Ministrinë e Shëndetësisë dhe Mbrojtjes Sociale, ku vetëm pak orë më pas stafi i pavjonit të Onkologjisë pranë Qendrës Spitalore Universitare Nënë Tereza komunikuan me familjen e pacientit për ta paraqitur këtë të fundit në një konsultë. Në bisedë me familjarët dhe pacientin mjeku thotë se kanë provuar disa herë të kontaktojnë me familjen e pacientit, por telefoni i tyre ka dalë i padisonueshëm. Ndërkohë Mustafai thotë se në kartelën e pacientit është lënë numri i tij dhe në asnjë moment telefoni i tij nuk ka qenë i fikur sepse në të kundërt do ishte njoftuar me sms-së. Pas bisedimeve mjeku thotë që qytetari mund të shtrohet në pavion për të marrë terapinë e rrezeve për të cilën ishte planifikuar me kohë.