Në Fiks Fare u ankua Artan Puka, djali i pronarit të një prej ambienteve të brendshëm. Ai tregon se i është njohur prona nga Komisioni i Kthim Kompensimit të Pronave, tokë në të cilën është një objekt shtetëror që jepet me kontrata qiraje çdo vit, për t'u zhvilluar biznese. Aktualisht z. Puka ka një kontratë me bashkinë për një bar kafe me sipërfaqe 42 metra katrorë. Ai tregon se fillimisht ky ambient i dhënë nga bashkia ka brenda një të vetme, tre hapsira të ndryshme. Fillimisht atë e kishin i jati i tij bashkë me xhaxhanë dhe në momentin që xhaxhai hoqi dorë nga ky ambient dhe prishi kontratën me bashkinë, Artani ditën e nesërme ka paraqitur pranë Bashkisë Lushnje kërkesë për ta shfrytëzuar vetë kundrejt qirasë. Nuk i janë pranuar kërkesat e shumta që ka nisur dhe ky objekt i është dhënë me qira dikujt tjetr me afat 1 vjeçar. Gjithashtu po këtij personi i është dhënë edhe ambienti i jashtëm hapsirë publike me qira, por kjo pjesë me afat 2 vjeçar. Artani ankohet në Fiks pasi si ish pronar atij i takon ligjërisht dhe asokohe bashkia ia dha dikujt tjetër ndërsa tani nuk e jep më. Ai kërkon një përgjigje ligjore se pse nuk mund ta ketë, ndërkohë që dikur e kanë patur bashkë me xhaxhain.