Pas shqetësimit të banorëve gazetarët ju drejtuan bashkisë Kurbin ku kryetarja Majlinda Cara tha se në qytetin e Laçit janë miratuar 2 zona për zhvillim, zona 1/1 dhe zona 1/2. Në zonën 1/1 për zhvillim ka përfunduar proçesi i ndërtimit prej 524 apartamentesh ndërsa zona 1/2 është në proçes shpronësimi i truallit të zonës së konvikteve. Ndërtimet në atë zonë janë të Fondit të zhvillimit ku janë planifikuar të akomodohen 200 familje. Këto familje kontraktohen me bonus dhe do të trajtohen me bonus deri në momenti i pajisjes së tyre me shtëpi. Në zonën e Laçit janë gjithsej 750 familje pa strehë ndërkohë që zona që ka përfunduar së ndërtuari ka vetëm 524 apartamente. Banorët e ish zonës së konvikteve të jenë të qetë sepse nuk do të nxirren në rrugë. Këtë muaj apo muajin tjetër nuk di kur do të mobilizohen por duhet të përfundojnë punimet së pari pastaj të bëjmë shpërndarjen e tyre.