Banorët gjithashtu shprehen se drejt degradimit është edhe ura në fshatin Ibë që kalon në këtë rrugë e cila prej ngarkesave të mjeteve me tonazh të rëndë dridhet. Në një pjesë të mirë të saj ura është prishur e copëtuar. Kryeplaku i fshatit Ibë e Poshtme Agim Selba e ngre si shqetësim të madh prishjen e urës dhe rrugës në tërësi, pasi është bërë pengesë si për banorët në përditshmërinë e tyre, por edhe për bizneset që i japin një zhvillim ekonomik zonës. " Para dy vitesh ka patur shumë turistë shumë, tani ata numërohen me kokrra dhe e gjithë për faj të rrugës së keqë" citon kryeplaku. Ndërsa një banorë i Ibës kërkon të cilësojë se ura është e vjetër dhe kapaciteti i saj nuk është më shumë se 4.5 ton. Madje para disa kohësh në urë është vënë edhe tabela që përcaktonte tonazhin që duhet të kenë mjetet për të kaluar mbi të, por kurrë nuk u respektua nga mjetet me tonazh të rëndë. Madje këto mjetet kalojnë me shumëfishin e kapacitëtit që lejon ura. Me të drejtë banorët pyesin; Po u shemb ura çfarë do bëhet?