Fiks Fare pak muaj me parë trajtoi problematikën e tenderit të ndërtimit të 15 Ujësjellësave në Komunën e Dragashit, Kosovë. Proçedura e tenderimit, ish zvarritur 4 vjet nga Institucionet qendrore dhe ato vendore, duke shpallur fitues operatorë të papërgjegjshëm. Shefi i prokurimeve të Komunës, Nuri Ismaili, pranoi që nëntë vendimet e Organit të Shqyrtimit të Prokurimeve janë të pazbatueshme pasi duhet të presin vendimin e Gjykatës së Apelit. Madje, specialistët e zyrës, thanë që ka edhe të fortë, nga lart, që po e mbajne peng këtë proces. Një muaj më vonë, Gjakata e Apelit, lë në fuqi vendimin e Gjykatës Themelore, duke rrezuar kërkesën e komunës Dragash si të pa bazuar në ligj, ndërsa aktvendimi i ankimuar u vëertetua si i drejtë dhe i ligjshëm. Pas vendimit të gjykatës, në muajin gusht, komuna ribëri edhe njëherë tenderin ku shpalli për të pestën herë radhazi fitues një operator i cili ishte velrësuar edhe më parë si i papërgjegjshem nga Organi i Shqyrtimit të Prokurimeve Kosovë. Duke i hapur kështu rrugën sërish ankimimeve dhe zvarritur sërisht procesin i cili mund të përfundojë edhe njëherë ne dyert e gjykatës.