Fadil Brahimaj nga fshati Aranitas i Mallakastrës ankohet në Fiks Fare se nëna e tij e cila ka vdekur para 25 vitesh figuron ende e gjallë. Sipas gjendjes civile ajo është e gjallë pa të drejtë vote. Këta Z. Fadil e kuptoi kur donte të kryente disa veprime me pronat. Ai pohon se e ka bërë çregjistrimin, por punonjësi i gjendjes civile i asaj kohe gjithë ditën rrinte duke pirë alkool. Ai e mbështet bindjen e tij se pasi ka bërë çregjistrimin edhe pensioni i të ndjerës është ndërprerë. Nga interesimi që Fiksi bëri pranë Gjendjes Civile të fshatit Aranitas u kuptua se punonjësi i asaj kohe nuk kishte mbajtur aktin e vdekjes, dhe ky akt nuk figuron askund nëpër institucione. E vetmja mundësi për t'u zgjidhur çështja është se z. Fadil duhet t'i drejtohet gjykatës. Mirë që nëna i ka vdekur, por tashmë për faj të punonjësit të dehur duhet të hapi gjyq për ta hequr nga lista e të gjallëve.