Fiksi bisedoi me juristin, Dorian Ismalaj. Pyetjeve se kush e emëroi nëndrejtor z.Alfredaj, ai tha se "juristi i ZVA-së as nuk bën emërime, as shkarkime". Por kur pyetet se juristi duhet të shohë dokumentet dhe se emërimi përputhet apo jo me kriteret. "Po ka dëshmi penaliteti se s'ka qenë i dënuar!" vijon ai, teksa gazetarët e pyesin se përse nuk i kanë evidentuar vendimin e gjykatës. "Nuk ka qenë i dënuar" thotë për çudi juristi. Por kur mëson se ka një vendim gjykate dhe se z.Alfredaj e pranoi vetë pohon se "po shumë mirë i nderuar, në qoftë se ashtu ... ai ka përgjegjësi personale jo kolektive. Unë e them që e kam të pastër dëshminë e penalitetit i nderuar". Megjithatë, ZVA Tropojë duhet që të hapte arkivën dhe të shihte nëse ka apo jo ndonjë masë administrative apo penale për këtë person. "Nuk kam qenë në punë unë atëherë, nuk kam qenë. S'kam dijeni! Unë po të tregoj se është dëshmia e penalitetit dhe e ka pas të pastër dhe vazhdon ta ketë të pastër" përfundon juristi, teksa në fund mbyll edhe telefonin.