Babai i Adrianit thotë se është shumë e vështirë kujdesi për të sepse ai duhet të jetë patjetër i shoqëruar nga dikush. Gazetarët e Fiks-it bashkë me babain e Adrianit ju drejtuan Njësisë Administrative Shalës ku punonjësit e kësaj njësie thanë se në muaji Qershor në sektorin e Shërbimit Social ka mbërritur një kërkesë nga Shërbimi Social Shtetëror ku duhej të përgatiteshin të gjitha dosjet e personave përfitues të statusit para-tetraplegjik mes tyre dhe ata si përfitues të përhershëm të këtij statusi. Pas rikomisionimit të qytetarit, nga komisioni është marrë vendimi që ky pacient duhet të jetë pa grup. Fiks Fare u interesua pranë Komisionit Mjekësor të Caktimit të Aftësisë për Punë, për ndërprerjen e mardhënieve financiare të Adrianit dhe ndryshimin e statusi të invaliditetit.Në përgjigje ky komision u shpreh se me datë 28 tetor 2022 KMCAP Epror e ka përcaktuar pacientin si jo përfitues të Statusit të Para-Tetraplegjisë. Edhe pse diagnoza është cilësuar si Tetraparezë Spastike e rëndë me deformime të anësive, komisioi e ka vlerësuar rastin jo të përshtatshëm për kushtet mjekësore të paraplegjisë ose tetraplegjisë dhe se mund të ecë me mbështetje bilaterale (karrocë dore me rrota). Për kundërshitmin e këtij vendimi Adriani dhe familjarët e tij duhet t'i drejtohen Gjykatës Administrative.