Fiksi denoncoi edhe rastin e z.Leonard Lluka, i cili dergjet në shtrat prej 4 vitesh. Bashkëshortja e tij apelon që të marrë një pagesë kujdestarie. Leonardi ka punuar gjithë jetën mekanik në Uzinën e Kuçovës, ndërsa para 4 vitesh pësoi një ishemi. Nga ishemia nuk lëviz këmbën dhe dorën e majtë. Ndërkohë, ka probleme edhe në kokë, pasi nuk bën dot as nevojat e tij personale. Personi që kujdeset për të është bashkëshortja, Liljana. Edhe ajo në moshë pensioni, por nuk e merr “pasi s'kam kontribute” Përgjegjësja e SHSSH-së, Dorina Veshi, thotë se e di problemin e zonjës Liljana dhe të bashkëshortit të saj Leonardit. Pohon se vendimi është marrë nga Shërbimi Social në Tiranë dhe ata janë vetëm zbatuesit. Sipas saj, zotëria merr kempin dhe një ndihmë 3 mijë lekë në muaj nga pushteti lokal, por për statusin duhet ta vendoste Tirana.