Enver Bregasi i shoqëruar dhe arrestuar njëherë për mashtrim në vitin 2020, ku në emër të një shoqate arriti të mashtronte disa persona dhe të përfitonte rreth 12 milionë lekë, vazhdon të bëjë të njëjtën gjë. Kësaj radhe skema është ajo e marrjes së diplomave kundrejt parave në Universitete Shtetërore. Diplomë pa u paraqitur ansjëherë në universitet dhe pa bërë as edhe një orë mësim. Bregasi premton diplomë në çdo degë për rreth 5 mijë euro. Për atë është e rëndësishme t'i jepen disa dokumente dhe para paradhënie, kështu sipas tij çdokush që i bën këto mund të marrë një degë që do. Bregasi erdhi në Fiks Fare si denoncim i një qytetareje e cila kishte bërë një takim më parë me të dhe i ishte premtuar diplomë. Gjithashtu ai i kishte kërkuar denoncuese edhe klientë të tjerë për t'u siguruar diplomën kundrejt pagesës pa kryer as edhe një ditë mësim.