Grupi Balfin, me Tirana Bank mbajnë premtimin e dhënë familjes Lezo Sarandë. Me kontributin e Tirana Bank, banesa e rrënuar u rikonstruktua totalisht. Vajza e vogël Albina e cila vuan nga sëmundje kardiake dhe respiratore jetonte bashkë me prindërit në një banesë në lagjen 2, në mjerim të plotë. Ambienti me lagështirë, rëndonte edhe më shumë gjendjen e vajzës së vogël. Drejtori i përgjithshëm ekzekutiv i Tirana Bank,z. Dritan Mustafa në mënyrë simbolike i hapi derën vajzës së vogël e cila bashkë me nënën ishin shumë të lumtura për shtëpinë e re. Gjatë intervistës Z. Mustafa u shpreh "kjo ishte një inisiativë personale e zotit Mane i cili pas transmetimit të kronikës në Fiks Fare kërkoi menjëherë për të ndërhyrë dhe çdo gjë në këtë banesë është bërë nga e para. Banesës i janë plotësuar të gjitha kushtet optimale bashkë me mobilimin që familja të jetojë e qetë". Nëna falenderoi shumë grupin Balfin, Tirana Bank dhe Fiks Fare. Sipas saj nëse nuk do të ishte Fiksi nuk do të ndodheshin këtu sot.