Nga data 1 Maj, 9 qytete do të mbeten pa gjykata dhe pa prokurori. Mijëra dosje që ishin për gjykim apo hetim do të transferohen në institucionet e qyteteve fqinje, duke e bërë më të largët gjeografikisht sistemin e drejtësisë për qindra mijëra qytetarë. Por edhe ata që kanë pasur çështje po në gjykatën e rrethit të tyre nuk është se u kanë shpëtuar vonesave. Kadrie Lumshi ankohet në emisionin Fiks Fare se nuk po merr vendimin e gjykatës. Ajo shprehet se prej 3 muajsh ka mbaruar procesi gjyqësore, por akoma nuk është zbardhur vendimi. Vendimi është marrë nga Gjykata e Shkallës së Parë Durrës.