Pas transmetimit në Fiks Fare të dramës së tre fëmijëve të cilët dhunoheshin nga nëna e cila vuante nga probleme të shëdetit mendorë, reagimet ishin të shumta. Shërbimi social i bashkisë Kuçovë mori përsipër të dërgonte nënën për të marr mjekim të specializuar dhe për tu ardhur në ndihmë fëmijëve, ndërsa babai iu nënshtrua rehabilitimit ndaj alkoolit. Kushtet tejet ekstreme në të cilën jetonte kjo familje preku shumë presidentin e kompanisë Rinia 03, z. Julian Morina i cili mori përsipër rindërtimin e shtëpisë së familjes Hysa. Fiksi u rikthye edhe njëherë në familjen Hysa ku kanë filluar punimet e shtëpisë dhe brenda 45 ditëve priten të përfundojnë. Nëna tashmë është mjekuar në spitalin e Vlorës dhe fëmijët janë më të qetë e shkojnë në shkollë. Prindërit falenderojnë Fiksin që bëri të mundur kurimin e tyre si dhe kompaninë Rinia 03 të cilët po u ndërtojnë shtëpinë nga e para.