Fallxhoret që lexojnë letra, filxhan apo edhe shkrijnë plumçe e shumë gjëra të tjera së fundi janë shtuar shumë, por rrallë janë parë që të komentojnë mbi politikën. Fiks Fare dërgoi një bashkëpunëtore tek një zonjë që lexonte letrat Tarot. Motivi për të cilin po interesohej për të parë letrat ishte i vëllai që aderonte tek Partia Demokratike. Bashkëpunëtorja donte të dinte se krahun e kujt duhet të mbante i vallai i saj brenda PD-së. Pra të Bashës apo Berishës për të patur vazhdimësi edhe i vëllai, pse jo të merrte edhe ndonje post brenda partisë. Fallxhore Leta me anë të letrave nxorri fitues Lulzim Bashën dhe Jo sali Berishën. Sipas saj Berisha ishte i bllokuar nga të gjitha anët dhe sado militantë të mbledhi pas vetes është i humbur, pasi të gjitha shtetet e kanë bllokuar pas shpalljes non grada që i bëri Amerika. Kurse për kryetarin aktual Basha fallxhorja parashikoi se këtë vit ai do dilte fitues përsa i përket drejtimit të partisë. Ndonëse edhe Basha ishte shumë i bllokuar, por do ia dalë mbanë të mbaj kreun e Partisë Demokratike. Përsa i përket vitit të ardhshëm në këtë parti do të kemi ende ndryshime sipas letrave të fallxhores, pasi drejtues të saj nuk do jenë as Berisha dhe as Basha. S'e kush do e drejtojë Partinë Demokratike në 2022 mbetet për t'u parë sërish në letrat Tarot!