Pas denoncimit në Fiks Fare të abuzimit që drejtori i spitalit të Dibrës së Madhe në Maqedoninë e Veriut, kishte bërë me fondin e shpërblimit për mjekët e këtij spitali për përballimin e pandemisë, vetëm dy ditë më vonë ai ka kthyer mbrapsht në ministri fondin. Fiksi transmetoi mbrëmjen e djeshme se si drejtori kishte shpërblyer veten , bashkëshorten dhe bashkëshorten e sekretarit të tij me 30.000 dinarë për përballimin e situatës covid 19. Ndërkohë asnjëri nga të shpërblyerit e mësipërm nuk ka qenë në vijën e parë të shërbimit. I kontaktuar nga Fiksi zv. Ministri i Shëndetësisë së Maqedonisë së Veriut pohoi se ministria lëvron fondin dhe më pas me listat merren vetë titullarët e institucioneve shëndetësore. Ai pohoi se menjëherë pas interesimit të Fiks Fare se drejtori kishte abuzuar me shpërblimet duke ia shpërndarë vetes dhe të afërmve të tij, më pas ai ka kthyer mbrapsht fondin e shpërblimeve.