Fiksi filloi interesimin e tij , fillimisht duke u drejtuar tek dentisti Çela që kishte bërë heqjen e dhëmballës së 20 vjeçarit. Dentisti mohon të ketë gisht në gjithë situatën dhe thotë se e gjitha kjo ka ardhur si rezultat i neglizhencës, pasi 20 vjeçari nuk e ka marr siç duhet mjekimin. Ose mjekimet që ka marrë më para pa recetë kanë ndikuar duke mos bërë efekt ilaçet që ka rekomanduar dentisti. Pyetjes se a i është bërë grafi 20 vjeçarit para se t'i hiqej dhëmballa dentisti fillimisht shprehet se pacienti nuk i është ankuar për gjithë gojën por vetëm për një dhëmballë. Por dentisti nuk ka qenë i sigurtë as vetë për ndërhyrjen që ka bërë pasi ai më pas i ka bërë grafi 20 vjeçarit. Pyetje së Fiksit se pse i ka bërë grafi pas ndërhyrjes, dentisti iu përgjigj për të qenë i sigurtë që nuk kishte infeksion dhe grafia këtë ka treguar pohon ai që nuk kishte infeksion.