Blerta dhe Vitio Hajdini nënë e bijë banuese në fshatin turistik të Borshit kanë kërkuar ndihmën e emisionit Fiks Fare për një apel për ndihmë. Ato jetojnë në kushte shumë të vështira ekonomike, në një kapanon të përshtatur në shtëpi ku çdo gjë që bie jashtë bie brenda. Vito thotë se vuan nga diabeti dhe se kempin e invaliditetit ja kanë hequr duke I thënë se nuk e ka të nevojshme. Ato jetojnë me pensionin që merr e bija Blerta, por nuk mjaftojnë për asgje. Blerta thotë se që kur ka lindur ka jetuar në këtë kasolle dhe se në përditshmëri përpiqet ta mbaj pastër. Për tu ngrohur iu shërben një kolibe e vogël ku shërben dhe për të gatuar. Blerta thotë se të qëndruarit në këtë kolibe është e pamundur, por nga e keqja nuk kanë se çfarë të bëjnë. Nënë e bijë thonë se vite më parë jetonin më keq, por ka disa kohë që një i afërm I tyre I ka ndihmuar me një kapanon sa për të futur kokën, por të jetuarit në të është e pamundur sepse nuk ka as drita dhe as ujë.