Fiksi u interesua në lidhje me këtë problematik në Bashkinë Mallakastër. Nënkryetari Zamir Malasi pohon se kanë kryer takime me banorët, kan marr kontakt dhe me Autoritetin Kontarktor që po zhvillon projektin, me FSHZH duke kërkuar një zgjidhje që të jetë komfort për banorët ,por dhe për zhvillimin e projektit. Pra ata kanë rënë dakord se rruga në varreza do të zgjerohet deri në atë masë që nuk prek asnjë varrë. Por projekti duhet të përfundoj. Pyetjes së Fiksit për një devijim të mundshëm nënkryetari sqaron se është procedurë tjetër dhe që kërkon shumë kohë, vite të tëra. Por z. Malasi thekson se rruga kalon në gjurmën e rrugës ekzistuese. "Qëndrimi ynë si institucion është që ky projekt të zhvillohet dhe zgjerimi u rrugës të jetë deri në atë largësi që nuk preket asnjë varr. Dhe nëse ka edhe problematikën më të vogël, absolutisht do të jetë detyrim i subjektit për ta sistemuar" përfundon nënkryetari Bashkisë Mallakastër.