Përfaqesuesja e kompanisë Solar 1. 2 dhe 3 Marsela Mojsija ankohet në emisionin Fiks Fare, se nuk po i rijepet leja për ndërtimin e impiantit fotovoltaik dhe pse e ka fituar këtë drejtë me gjykatë. Ajo tregon se në 2016 e fituan këtë projekt dhe u miratua dhe nga Këshilli Kombëtar i Territorit. Pas këtij momenti duhej paguar taksa e infrastrukturës në bashki në mënyrë që të zbardhej leja, por Bashkia Malësi e Madhe i kërkoi jo 0.1 përqind të vlerës së ndërtimit, por plot 3 përqind. Por përveç kësaj problematike, vitet e fundit bashkia i ka ndryshuar kompanisë edhe vlerën e qirasë, të cilën në kontratën e lidhur me komunën e asaj kohe, e miratuar nga këshilli i komunës vlera ishte 1 milion e 900 mijë lekë të vjetra për 15 ha tokë, ndërkohë tani bashkia i kërkon 21 milion lekë të vjetra në vit . Pra bashkia i ka 20- fishuar qiranë. Deri në këto momente, taksa dhe qira kjo kompani ka paguar në bashki 23 milion lekë.