Në fshatin Progonat të Tepelenës mes katër shtëpive është një pemë arre shumë shekullore e cila ka nisur të thahet, sidomos këto dy vitet e fundit. Rrezja e degëve të saj, në raste se e rrëzon era mund të dëmtojë shtëpitë përreth. Më e rrezikuara nga këto shtëpi është ajo e zotit Muhedin Çukalla, i cili u ankua edhe ne Fiks Fare. "Kur fillon të fryjë unë shkoj dhe fle në hangar te lopa, se kam frikë" shprehet z. Çukalla. Ndërsa fqinja e zotërisë pohon se e kanë ngritur si problem edhe ne Bashkinë Tepelene, prej dy vitesh. Por tashmë që arra shekullore ka filluar të thahet banorët e ndjejnë rrezikun më afër. Fiksi pyeti banorët nëse arra shekullore është shpallur monument natyre, por ata nuk kishin informacion mbi një gjët të tillë. "Nëse është shpallur momunment atëherë të na presin degët se do na zënë poshtë" shprehen banorët.