Fshati Bitaj ndodhet 3 km nga Njësia Administrative Kolonjë Lushnje. Aty jetojnë rreth 600 banorë. Banorët e këtij fshati merren me bujqësi, ullishta, agrume, vreshtari dhe me pak blegtori. Banorët ankohen se këto 20 vitet e fundit nuk është vënë dorë nga Bashkia Lushnje për riparimin e rrugës. Bujqit e kanë të vështirë të nxjerrin produktet e tyre në treg, sepse pengesë bëhet rruga e prishur . As tregtarët nuk vijnë për shkak të rrugës së keqe dhe ullinjtë duhet t'i nxjerrin vet me mjetet tyre në afërsi të fshatit Kolonjë. Në këtë fshat, është vetëm një banor i cili në rast nevojë i nxjerr me makinën e tij bashkë fshatarët deri në fillim të rrugës me asfalt i cili është “heroi i fshatit”, Agimi. Makina të tonazhit të rendë kanë kaluar nga rrugët e fshatit se kanë marr inerte në periferi të fshatit dhe e kanë prishur rrugën dhe nuk e kanë riparuar. Kur ka rastisur që të kenë ndonjë të sëmur, ambulanca u thotë na i nxirrni të sëmurin në Kolonjë se nuk futen për shkak të rrugës së prishur. Edhe fëmijët u thonë prindërve se kemi frikë se tundet autobusi kur shkojmë në shkollë se është rruga e prishur. Të gjithë banorët në një zë kërkojnë rrugë!