Rozina nga Saranda bën në Fiks Fare apel për ndihmë, për vajzën e sëmurë me vrimë në zemër. Ajo mes lotësh tregon se jetojmë në varfëri ekstreme dhe nuk ka lekë për bukë e jo më për përballuar operacionin e vajzës apo për të rregulluar taracën të cilën e ka me lagështirë. Familja e tyre jeton në katën e katërt të një pallati në lagjen nr 2 në Sarandë. Ato jetojnë vetëm me 39 mijë lekë të vjetra përkrahje sociale që merr nga bashkia dhe ndonjë ditë punë që bën i shoqi në të zezë. Por edhe ato pak lekë që fiton ikin ilaçe për atë dhe vajzën. Ajo vuan edhe vet nga zemra si pasojë e stresit që ka kaluar prej vajzës së sëmurë. Në farmaci tregon se ka 8000 lekë të reja borxh ilaçe. Banesa ku jetojnë është e amortizuar për shkak se taraca është prishur dhe ujë i gjithë futet brenda. Në shtëpi suvatë kanë rënë dhe muret janë me lagështirë. Një ambient ky, që nuk e ndihmon aspak gjendjen shëndetësore të vajzes e cila vuan edhe nga mushkritë dhe veshkat. Nëna vetëm qan kur tregon historinë ndërsa vajza, mundohet ta qetësojë dhe fshijë lotët e nënës së saj, e cila kërkon ndihmën e Fiksit për te operuar vajzën pasi nuk mundet më, jeta është bërë shumë e vështirë, po vuajnë për bukën e gojës.